世事難料

星期五早上
新 CEO 召見細老細留佢
簡直匪夷所思
佢地兩個一向都唔妥
今次低聲下氣去留人
兩個原因
公司真係無人
佢要顧全大局
難怪老細心情大悅
仲話未應承佢
要返去同老婆商量下
佢老婆都唔會理佢啦
一切咪係佢自己決定
劇情會點發展
下星期先知......

胡思亂想

究竟我想點
其實唔係我想點
而係好似無咩解決方法
抑或係我杞人憂天
縱使升級又如何
真係怕無命
要我好似老板咁睇兩邊
除非覆制多一個我
否則
辛苦到想死
仲要睇住個既無經驗兼且暴躁嘅接班人
有消息話佢睇我頭
如果我走佢都唔會留低
今晚又同班手下講有關下年個新系統測試嘅問題
無人肯
亦無人敢承擔
有個主要人物仲講
如果我調走或唔做
佢都起身唔 do
突然間
我好似好重要咁
仲有 d 飄飄然嘅感覺
隨之而嚟係好大壓力
我唔做
或者調走
都好似令兩個人離職
個部門實散哂
其實呢個世界邊有話無咗邊個唔得丫
可能無咁暢順就真
過一排咪一樣 OK
真係畀大老細玩死

不過
究竟真係我想點呢......

變天

要發生的事
始終會發生

今天 CEO 請辭 GM 頂上
一切都蘊釀了好一段時間
董事局最終要來一個決定

CEO 最敗筆者
乃引進其女兒
清除異己
短短時間
居高要職
且處處保護有加
導致雞飛狗走
士氣低落
民怨沸騰

在女兒未入主中原前
CEO 也曾是一個好老細
無奈愛女心切
要親自護送上路 /上位
只怕女兒受傷害 / 委屈
連午餐飯盒都親力親為
對於她 --- 是禍是福 ?

同樣
變了天
對於我們一班同事
是福是禍 ?

走了國民黨
換來共產黨
受苦的仍是老百姓

人生多矛盾

要離開一個咁辛苦吃力嘅地方
但又唔捨得一班好過癮嘅同事
同埋係工作上嘅方便

去留之間多矛盾

退休

是退休的時候嗎
這種想法又出現
人到中年萬事哀
是去或留費思量
想走也絕非易事
留壓力大得要命
如何突破這困局

解決了嗎

大老細話 GM 話 :

無咁嘅事
(都唔知邊個掰大眼講大話
唉
意即無講過叫你哋連星期六日都做埋)

只係盡量做就得喇
至於開發系統
可以遲 d 先做
不過唔好遲得太過份
(意即你雖然宜加咁忙唔得閒搞 system
都唔好太遲搞掂佢)

事件尚算平息
但未解決
未解決......

集體辭職

我想是我工作以來面對最大的難題
一班同事工作太辛苦了
天天工作十二、三小時
公司不單只不表示欣賞
總經理還要我們連星期六、日皆上班
或帶工作回家做
反應自然激烈
更有人提議集體請辭
不知如何收拾
明天要跟大老細商討解決方法
否則
我會是離開的一個

只是沒想到這刻來得如此快和突然!

我要提早退休

我要提早退休

是一個女同事今天跟我說的話
我無言以對

明白幾年以來

朝九晚九非人看更似的生活

上頭只會加辛

讓人覺得留低的同事是無能
抺殺了他們的忠心

公司給予你一個工作機會
便是皇恩浩蕩

人皆要尊嚴

可惜的是公司失去了一個資深而經驗豐富的同事

雙輸局面

此際
我只看到漆黑的深夜
而不似狄娜姐姐看見滿天星光

都唔知過唔過到 7 月?

醜婦終須見家翁

有一個 officer 離職在即
本來唸住老板會有所安排
點知佢以不變應萬變
等我地自生自滅
硬住頭皮都要做下人手安排
其實捉襟見肘的人手
點安排丫
大家都好無奈
原來大家都準備隨時起身
有個 officer話辭職信早已放係櫃筒
作為一個 aiya 老細
理應鼓勵支持
不過大家都係聰明人
目前光景
一切已經無能為力
呻吓
表態吓
結論係 - 等命運指揮......

向世界出發

工作了廿多年
委實有點兒累
最近公司地震
傷亡異常慘重
不禁要為自己打算一下
雖然距離震央尚遠
但餘波亦傷及同仁
要下定決心離開一間工作了四分一個世紀的公司
總是很多感情上的糾纏
猶豫不決
甚多掛慮
難捨難離
如何是好呢？

不過
在未有這個決定以先
若自己真的要離職 /退休
必定好好獎勵一下自己廿多年來的辛勞

---> 就是向世界出發 <---

( 哈哈......其實人一出生那個不是向世界 / 萬國出發呢？ )

走一圈
看看外面花花世界
享受一個悠長假期
了一個心願

告急

當前一片大好景
仲要精簡人手
小如信差
上至副經理
個個都位列 [ 仙班 ]
尚有 [ 自我放逐 ]人士
不計其數

士氣跌至歷史新低
流失率卻升至新高
工作量飆升
人手 buy less see less

人人自危
做得一日得一日
今日唔知聽日事
上晝都唔知晏晝事啦

究竟發生咩事？

大逃亡

今天上班不久
同事即刻打來小報告
老板那邊又有一得力同事請辭
她曾一度是萬千寵愛
惜後來跟老板因些小事交惡
她畢竟是個能幹而漂亮的職業女性
實在有點可惜......

年終多事

話說去年年尾
老細就在新年假期放工前一刻遞信請辭
同事們當然奔走相告
正在收拾桌上文件準備離開的我
心情紊亂
事出突然
不知如何反應
老細雖然管治嚴格
有時的確有些過份
但仍有其作用
此際手電響起
來電顯示正是他
其內容不問而知
我當然佯裝全不知情
事實亦很錯愕
總有點不捨
他心跡表白後
我送上祝福
寒暄了幾句便掛線

去年的新春假期不太好過 : (

老細是一個很有計劃的人
決定了的事很少會改變
就算出了些錯誤
為了面子
依然死頂

新年過後
CEO 召見
要他留下來
這殺他措手不及
因為 CEO從來不會親自留人
而且老細個'朵'在上層已經'焦哂'
在百辭莫辯之下
惟有繼續做

又一年了
歷史在重演
不過今次時間在早上
而且老細今次直接交信給 CEO
同事當然電告老細行蹤
大家都心知肚明

其實前兩天
老細已經通知我
他已向 CEO 口頭說過
好讓我有充足的心理準備
只是生理準備不足而已
一個人怎麼可支持兩份工作量呢
而且我那份已超乎我的能耐了

放工前致電給他
借故問他可有甚麼吩咐
(奸仔 - 嘻嘻)
他當然和盤托出
CEO 仍然不接納
著他幫忙多一年
還答應他下一年或找到適當人選後
一定讓他離開云云
我笑言他的 timing 太差
給人捷足先登

皆因同日有另一件更震撼的
比起上次伍生調職至稽核部
的震撼度簡直不煌多樣

Daniel為公司已工作了 23 年
當年入職時已是 Officer Trainee
昔日公司非常保守
一年都不會請超過個5個 Officer Trainee
還是在 3000 多人中選拔出來
可想而知其前程一片光明
不過其辛勤拚搏
買盡心力
很快獲得高層賞識
平步青雲
因工作上跟部份同事有不同的觀望角度
而亦引起一些同事不滿
去年初低層如我
皆知他被打入冷宮
原因當然非我可能知啦
鬱鬱不得志
又是年終一天
Daniel 大清早便向全人類發出email
告知大家他離職在即
作此決定亦很無奈
全人類無不震撼
有人歡喜有人愁

唉 !
一個為公司鞠躬盡瘁的好同事落得如斯下場
跟他相識於微時
他為人及工作態度有目共睹
公司對他棄如敝屣
不無失望
所以收到他的email時
心情久久不能平復

惟有祝禱他前程錦繡
諸事順遂，身心康健。

去年今日 (再續)

一月份都arm數
哈哈
恭喜恭喜

去年今日 (續)

很高興的告訴您
2006年12月份的數
今天終於全部核對無誤

(註 : 明天不知又如何......哈哈)

去年今日

四季更替
歷史重演
似早注定
無可奈何

去年春天
公司盤數與街外盤數有出入
今年又復如是

至今天放工時份
仍有3條數未有著落
茫無頭緒
如何是好......

心淡

總有些人想法是傾向負面一點

近日工作量大增
公司又沒有加班津貼
同事都默默地承受超夜的工時
心有不忍
辛辛苦苦為他們爭取些福利回來
卻有一資深同事以老大哥口吻
說這些福利將來必在花紅裡扣回
其實這四十元晚飯津貼
管理層那會跟你斤斤計較
要是剋扣花紅
那會只在這區區小數

這位老大哥的情緒總叫人難受
他的舊老板都受了他不少面色
只是不願與他計較吧
他之所以尚在 [ 人間 ] 的原因是他盡責
事情交到他手上總會辦妥
可限於舊有工作
他很有興趣去學新事物
但又不肯承擔
可真矛盾 : (

熱愛後遺

公司有一個剛做了半年的小男生很受同事歡迎
他工作賣力, 認真, 純品
常為同事帶來歡樂
更被同事推選為禮貌大使。

他來自單親家庭
與母親相依唯命
沒有深究他生父去向。
他說現在只想努力儲點錢備用。

表面看來

父母離異沒有對他做成太大的傷害

一樣樂觀開朗......

現今社會

離婚人數愈來愈多 : (

常想他們的後遺人士心理上似乎不很完滿

許或是我標籤了他們
總帶幾分憐惜!

無雙譜

真奇怪
會有一個人與自己的性格相似度有80%以上
都是小小心心、似無大主見、就人為本......
是喜是悲 : (

跟他談天一夜
樂極了
他雖年輕
可是非常聰明
有自己一套
從中得益不淺

希望可再跟他溝通
互相激勵
刺激思維
提升自我

收工

此刻心情很愉快
現在可以下班
做點自己喜歡做的事
或約友人飯聚
皆是樂事